اسكريبت كامل الله كريم بقلم فاطيما يوسف

ام كريم بعصبيه
انا مش فاهمه مراتك رافضه ليه تعمل حقن مجهري
بقى لكم ثلاث سنين متجوزين وانت كل يوم تقول لي اصبري يا ماما اصبري يا ماما خلاص انا زهقت انا عايزه اشوف احفاد ليا قبل ما اموت .
كريم وهو بيحاول يهديها علشان زهق من الأسطوانه دي بتاعه كل يوم
يا أمي إحنا كشفنا إحنا الإثنين والدكتور قال إنها ماعندهاش عيب ولا أنا عندي عيب والمسألة مسألة وقت وعملنا كل التحاليل
ليه إنتي مصممة كل شوية تجرحيها بالكلام وكل شيء بأوان وقت ما ربنا يريد .
أم كريم
يعني ايه يا أستاذ هفضل مستنيه كده كتير
خلاص انت تروح تتجوز بقى وهي حرة عايزة تفضل على ذمتك تفضل عايزه تطلق تطلق إحنا مش هنقعد سنين كمان نستنى النصيب .
رد عليها كريم
يا أمي بلاش تتكلمي بالطريقه دي إنتي عندك بنت ومخطوبه و على وش جواز لو هي مكان نورا كنتي هتقولي كده برده .
ردت عليه امه بعصبية
ما تجيبش سيرة أختك على لسانك بعد الشړ عليها .
كريم لقى إن الكلام مع أمه مش هيجيب فايده فاستاذن منها وقام وسابها وهي شايطه زي كل يوم .
طلع كريم شقته لقى نورا قاعده مهمومه وحزينه سألها بحنيه
مالك يا حبيبتي شكلك متغير كده ليه
كانت نورا سرحانه وفي دنيا تانيه
نادي عليها كريم
نورا نورا معقوله ده كله مش سامعاني وأنا بكلمك!
فاقت نورا من سرحانها لما لقت كريم نادي عليها كذا مره وقالت له
بتقول حاجه يا كريم
استغرب كريم ورد عليها
معقوله يا نورا كل ده مش سامعه الندا اللي انا عماله انده ليكي ايه يا بنتي اللي واكل عقلك وشاغل بالك
ابتسمت له نورا وقامت وقفت قدامه وقالت
لا يا حبيبي اسم الله عليك انا بخير وكويسه الحمد لله كنت بفكر بس هعمل غدا ايه .
ضيق كريم عينيه وقال لها باستغراب اكتر
بعد النده ده كله بتفكري وسرحانه هتعملي غدا ايه!
مش على كريم يا نورا انا عارفك وحافظك وفاهمك كويس جدا اكثر ما انتي عارفه نفسك
مالك يا حبيبتي فيكي ايه
نورا بزيف
والله ما في حاجه يا كريم انا زي الفل والقرده قدامك اهو عايز تشغل بالك وخلاص يلا هدخل اجهز لك الغداء بقى
ومشيت نورا من قدامه وقلبها بيتقطع من اللي سمعته وبتسمعه من حماتها كل يوم يسمم بدنها
ويا ريت جت على حماتها بس حتى اخته كمان كل شويه تقول لها ايه ما فيش اخبار وتتدخل في شؤونها هي وكريم
وطبعا كريم علشان وحيد امه ما تقدرش تقول له ان احنا ناخد شقه بره ونستقل بحياتنا
المهم عدى يومين على قعدة كريم دي مع والدته
نورا كانت نازله رايحه السوبر ماركت ندهت عليها حماتها وقالت لها
إنتي رايحه فين
نورا سألتها
انا رايحه السوبر ماركت يا ماما اجيب طلبات مش عايزه حاجه اجيبها لك معايا وانا جايه
كانت والده كريم لابسه هدومها وقالت لها
انا عايزاكي تيجي معايا مشوار علشان مش قادره اروح لوحدي.
استغربت نورا جدا لأن حماتها قليل جدا لما تاخدها معاها مشوار او تطلب انها تخرج معاها في حته اصلا
هي مش بتحب تخرج معاها في حته علشان كل لما يقابلهم حد يسألها ربنا كرم مرات إبنك ولا لسة
وهي تقعد تتصعبن عليهم وتيجي تنكد عليا عيشتي
المهم قلت لها هستأذن من كريم الأول
وأذن لها كريم إنها تروح
وخلاص خرجوا و أم كريم بتكلم نورا علشان تلهيها عن الطريق ومتاخدش بالها منه
أم كريم
بقولك إيه يانورا هي أختك الصغيرة لسة مبتوافقش علي أي عريس يجي لها
نورا بتأثر وحزن
والله ياماما بيجي لها ناس كتير أوي بس مبتوافقش ودايما تقول مش مرتاحة مش دلوقتي
لحد ما ماما زهقت هي وبابا وسايبينها علي راحتها .
مصمصت حماتها شفايفها وقالت بتريقة
ليه إن شاء الله مبتوافقش هي البرنسيسة حاطة عينيها علي حد
اتضايقت نورا من تريقة حماتها علي أختها ومرضيتش ترد علشان متعملش معاها مشاكل توجع دماغها هي قبل منها
المهم إن نورا ركزت في الطريق وشايفة أنهم ماشيين تجاه شارع المقاپر
على طول سألت حماتها
ماما هو احنا جايين المقاپر هنا نعمل ايه
ردت عليها حماتها بثبات وجاوبتها
الشارع ده بيودينا المكان اللي احنا رايحينه بسهوله بدل ما نلف يمين وشمال وانت عارفاني ست كبيره ما اقدرش امشي كثير
وفضلت تلهيها كثير في الكلام لحد ما وصلت لتربه فاضيه كانت متفقه مع الحارس بتاعها ان هو يفتحها لها
وعلى فجاه راحت زقه نورا فيها!
نورا اټرعبت واتخضت وفورا خرجت من التربه ودموعها مغرقه وشها وقالت لحماتها
ايه اللي انت بتعمليه ده بترميني في التربه حرام عليك يا شيخه عملت لك ايه علشان تعملي فيا كل ده
لو بنتك هترضي تعملي فيها كده
عايزه افهم السبب اللي خلاكي عملتيه ده دلوقتي حالا
ما خفتيش إني أتلبس او اني اكون بخاف زياده عن اللزوم واموت من الخضه
ليه بتعملي فيا كده
وحطت ايدها على وشها وقعدت ټعيط بصوت عالي
اما حماتها ما رمشلهاش جفن وقالت لها وهي بتهددها بصريح العباره
حسك عينك تجيبي سيره لكريم عن اللي حصل او تقولي له عن اي حاجه انا جبتك هنا علشان بيقولوا ان الموضوع ده بياثر على الخلفه وممكن تخلفي بسببه
وراحت متكلمه وهي بتمثل الحنيه علشان خاطر نورا ما تقولش لابنها كريم عن اللي هي عملته وقالت لها
يا خايبه انا بعمل كل ده لمصلحتك علشان ربنا يكرمك وتشيلي لك حته عيل ولعل وعسي ربنا يكرمك من الخضة دي وبطنك تشيل عيل
اهم حاجه اوعاكي تجيبي سيره لجوزك علشان خاطر مش ناقصه صداع منه ۏجع دماغ .
استسلمت نورا لحماتها وردت بضعف
حاضر يا ماما ممكن بقى نروح دلوقتي
ام كريم
هو إنتي هتروحي إنتي مش كنتي رايحه السوبر ماركت
نورا وجسمها بيرتعش من اثر الخضه
لا مش هروح حتة أنا هروح على شقتي علشان حاسه اني دايخه وتعبانه .
ومشيوا من المقاپر ونورا حزينه من جواها على اللي حماتها بتعملوا فيها
روحت نورا البيت ودخلت على الحمام على طول اخدت دش علشان جسمها اللي اتبهدل من التراب اللي حماتها حدفتها فيه
وكمان الريحه بتاعه الترب وخلصت وكلمت صاحبتها في التليفون تشتكي لها همها زي ما بتشتكي كل يوم
هي الوحيده اللي بتقول لها علي كل حاجة لأنها مش بتحب تحكي حاجه لمامتها علشان ما تشيلش النفوس من بعضها
نورا لصاحبتها بعد ما ردت عليها
ازيك يا كريمان عامله ايه
كريمان
انا كويسه يا حبيبتي إنتي اللي عامله ايه صوتك مش عاجبني يا نورا .
نورا ودموعها سايله على وشها
انا مش بخير خالص يا نور وعمري ما هبقى بخير
انا تعبت من ملامه حماتي وبنتها و الجيران والناس علشان لسه ما خلفتش لحد دلوقتي
طيب انا ذنبي ايه هو انا اللي بحط النطفه ولا انا بايدي حاجه اعملها وما عملتهاش
تعبت خلاص وما بقتش قادره استحمل قولي لي
اعمل ايه
كريمان وقلبها بيوجعها على صاحبتها
ليه بس بتقولي كده يا نورا ايه اللي حصل تاني خلاكي مڼهاره بالطريقه دي
نورا بنحيب
تصوري يا كريمان كنت نازله رايحه السوبر ماركت اجيب طلبات لشقتي
حماتي قابلتني وقالت لي تعالي معايا مشوار وطاوعتها ورحت معاها
ودتني الترب ورمتني في تربه قال ايه علشان اتخض واحمل بسرعه .
كريمان وهي بټضرب
ايدها على

موقع أيام نيوز

صدرها
يا نهار ابيض هي الوليه دي اټجننت ازاي تعمل فيكي كده
وما اتصلتيش علي جوزك وحكيتي له على اللي حصل ده ليه
الست دي خلاص ما بقاش ينفع يتسكت عليها ما تقولي لهم بقى وخلاص ان العيب من ابنها وان هو بيتعالج وان خلاص العلاج قرب يجيب نتيجه
وحتى لو العيب منك انت ليه يعملوا فيكي كده ايه الجهل ده
نوره بعصبيه وهي بتمسح دموع وشها بايديها
لا يا كريمان ما تقوليش كده ما تندمينيش ان انا كشفت لك سري انا عمري ما افكر اطلع كريم معيوب قدامهم
لانه اصلا مش معيوب كريم مريض وبيتعالج وانا هفضل جنبه لحد ما نوصل لسكه السلامه انا وهو .
كريمان وهي بتتاسف لها
معلش يا نورا حقك عليا بس انا بجد صعبتي عليا خالص بسبب اللي حماتك بتعمله فيكي هقول لك ايه اصبري واحتسبي امرك عند الله وهو اللي عنده التدابير وان شاء الله ربنا يكرمك في القريب العاجل .
نوره بتسالها وهي قلقانه
طب افرضي طلبت مني ان انا اعمل حاجه تاني اعمل ايه
كريمان وهي بتنصحها
بعد كده قبل ما تقول لك تعالي معايا او اعملي حاجه اسالي الاول عن الهوا قبل ما تعمليه
مش كفايه قبل كده الحاجات اللي هي خليتك تعمليها عشان كل ده فاكره ان العيب منك
وأنتي يا عيني بتعملي اللي هي عايزاه علشان وضع جوزك لكن دي اخر حاجه تطلبها منك وتعمليها
بعد كده تقولي لكريم وهو يتصرف معاها مش هتنك شايله قرفها لوحدك انت كده ممكن يجرا لك حاجه يا حبيبتي .
وافقت نورا على كلام كريمان لانها خلاص ما بقتش قادره تستحمل وقفلت معاها السكه وقامت تشوف هتعمل ايه في البيت
وما فيش ساعه وكريم رجع البيت نادي عليها خرجت له وقالت له
حمد لله على السلامه يا حبيبي نورت بيتك.
كريم حس ان عيونها كانت بټعيط و وشها مش طبيعي فورا راح عليها واخدها في حضنه وقال لها
مالك يا نورا بټعيطي ليه وما تحاوليش تكذبي ولا تحوري علشان باين على وشك خالص ان إنتي كنتي بټعيطي وقولي لي الصراحه
وراح جايب مصحف ومسكها المصحف بين ايديها وقال لها
احلفي لا تقولي لي الصراحه .
اتلجلجت نورا وحاولت تفلت من الحلفان بس هو صمم مش كل يوم هيجي يلاقيها بالمنظر ده ويسكت ويتغاضي ويسيبها تواجه مشكلته هو لوحده
خلاص مش هيسكت تاني
كريم بتصميم وهو ماسك المصحف
هتحلفي يعني هتحلفي على المصحف انت فيكي ايه علشان ما تحاوليش تكدبي .
نورا حست خلاص انها مش قادره تفلت منه وقالت له
هحكي لك بس من غير حلفان ومش هكذب عليه
وحكيت له على كل حاجه من اول ما خرجت لحد ما رجعت .
كريم اڼصدم اللي سمعوا وفورا نزل على والدته تحت وخبط على الباب بزهق
والدته فتحت له
في ايه يا ابني في حد يخبط ويرزع لحد بالمنظر ده !
كريم من غير مقدمات
إنتي ازاي تاخدي نورا المقاپر وتفتحي تربه وترميها فيها جالك قلبي تعملي كده في نورا يا ماما
ترضي ان انتي تعملي كده في بنتك علشان خاطر الجهل إللي مشيتي وراه .
ام كريم قلبها وقع في رجليها وما كانتش متوقعه ان نورا تقول له
كانت مفكره ان نورا هتداري عليها زي كل مره ومش هتقول له حاجه فردت عليه بلجلجه
يا ابني انا بعمل كل ده لمصلحتك نفسي اشوف لك عيل قبل ما اموت وافارق الدنيا دي غلطتي يعني ان انا بعمل من ناحيه وانت من ناحيه علشان ربنا يعجل بأوانه .
كريم وهو مبرق عينيه
تقومي ترمي مراتي في تربه هي وصلت بيكي الحاله للدرجه دي !
افرضي كانت ماټت ساعتها من الخضه ولا جرى لها حاجه ساعتها كنت هعمل ايه
ام كريم بتافف
يا اخويا هي ولا جرى لها حاجه ولا محتاجه هي رجعت زي القرده فوق اهيت وعلى طول اتصلت بيك وشحنتك عليا
مع اني قايله لها ومحلفاها ما تقولكش علشان خاطر عارفه ان انت قلبك خفيف هو مش هتستحمل .
كريم بعصبيه اكتر
معنى كده بقى ان إنتي عملتي حاجات قبل كده كتير معاها وهي يا عيني ما كانتش بتحكي لي
هي ما كانتش هتحكي اصلا لولا لما لقيتها معيطه ومفلوقه من العياط وحلفتها علي المصحف .
ام كريم بتريقه
على ايه يعني بټعيط لا هي اول ولا اخر واحده شقت الترب علشان تحمل ما تبقاش انت خيخه كده واجمد وانشف شويه .
كريم وهو بيحاول يهدي نفسه علشان مهما كانت دي والدته
لو سمحتي يا ماما ده اخر انذار ليكي ما تتدخليش ما بيني وبين مراتي تاني انا حر انا وهي في حياتنا نخلف ما نخلفش دي حياتنا واحنا حرين فيها واحنا مستنيين لما ربنا يريد
هتعترضي كمان على حكم ربنا .
ام كريم وهي بتمثل الزعل والعياط
كده يا كريم كده بتزهق علي أمك ده اللي ربنا قال لك عليه
بتزعق لي علشان خاطر نفسي اشوف لك حته عيل وامسكه بايدي تحرم علي انت ومراتك وبيتك العمر كله ومن النهارده ما ليش داخله لك بيت تاني .
زهق كريم وخرج وساب لأمه البيت كله وراح يتمشى شويه على البحر لوحده من هموم الدنيا كلها اللي اتجمعت فوق دماغه
وكلم واحد صاحبه يجي له ومفيش عشر دقايق ووصل عنده وقعد جمبه وأول ما شاف ملامح وشه سأله
مالك يا صاحبي إيه إللي مغير حالك ومعكر بالك شكلك مايطمنش
كريم وهو بيتنهد بتعب
تعبت ياصاحبي من المعافرة لا الدنيا رحماني والزمن رباني والأهل غماني .
صاحبة وهو بيخفف عنه
ومين فينا خالي ومن الهم بالي ومن العيون متداري
كل واحد عنده همه إللي مكفيه وزيادة ومفكر إن مفيش حد مهموم زيه بس للأسف ياصاحبي إللي يشوف بلاوي الناس تهون عليه بلوته هونها علي نفسك ياحبيب أخوك وخليها بسيطة هتتبسط وهتبقي ميه ميه .
كريم باستغفار
لا حول ولا قوة الا بالله العلي العظيم
طيب قولي أعمل إيه في سري إللي بحوط عليه وشكل الحيطان مش سايعاه
صاحبه جاوبه بعقل
وقت مالحيطان تضيق عليك وتطبق علي نفسك هدها يا صاحبي قبل مايجي زلزال ويهدها علي دماغك
يعني مراتك مش هتفضل مستحملة إهانات وملامات واختراعات من بتاعت الست الوالدة
قول لها وريح المسكينة إللي شايلة الملامات لوحدها ودي مش رجولة منك متزعلش مني إنك تحطها في وش المدفع وتقول لها استحملي .
يعني أنت شايف إني لما أستر المكشوف إني كدة هرتاح
قالها كريم بتوهان لصاحبه .
صاحبه وهو بيحط له النتايج
قدامه
إنت كدة كدة مش مرتاح ومش لوحدك مراتك كمان أمك معيشاها في الچحيم في حاجة ملهاش ذنب فيها
كفاية عليها ملامة الناس اللي برة وتريقتهم إللي مبتخلصش مش هيبقي جوة وبرة يا غالي
وكمل وهو بيحفزه إنه يقدم علي الخطوة دي بشجاعة وقلب جامد
وبعدين إنت خلاص قربت تخف وعلاجك إللي إنت ماشي عليه بقالك سنتين
الدكتور قال لك إنه خلاص أوشكت علي الشفا
يعني بإذن الله لما تعرف هم مش هتطول
بس أنا هقول لك على حاجة .
كريم وهو منتبه لكلام صاحبه ومركز
قول ياصاحبي أنا كلي آذان صاغية .
كمل صاحبة بذكاء وعقلانية أكبر
طالما الأمور مستقرة والأمن مستتب والنفوس هادية شوية متفصحش
عن المكتوب دلوقتى
أول ما

تلاقيها شعللت علي المدام وأمك سنت سكاكينها من تاني أتدخل بقي إنت واكشف المستور .
كريم وهو بيوافقه علي كلامه
ربنا يخليك ليا يا صاحبي مضطر أعمل إللي إنت قلت لي عليه علشان نورا كفاية عليها تعذيب نفسي وشقي كدة والدور عليا أنا بقي .
صاحبه وهو بيهديه
لأ اطمن يا حبيب أخوك لما تحكي لوالدتك عن سبب التأخير وتعرف إنه من ناحيتك مش هتتنفس تاني وهتسيب نورا في حالها
وهتتمني لها الرضي ترضي ومش بس كدة
لأ دي هتخرص ألسنة كل إللي حواليكم
وكمل وهو بيطبطب علي ضهره
قضي أخف من قضي وربنا يكرمك ويصبرك ويجبرك يارب .
أمن كريم علي كلامه وبص للسما ودعا ربه
اللهم صبرا … اللهم جبرا … اللهم قوة .
وقاموا هما الاتنين رجع كريم البيت علشان يطيب خاطر مراته إللي كل يوم بينكسر وهو ما باليد حيلة مابين مراته وما بين امه اللي ما يقدرش يكسر بخاطرها مهما عملت
علشان الأم أم
وصل كريم بيته وطلع على شقته مباشره من غير ما يعدي عند والدته طلع لقي مراته بتصلي واثار الدموع باين على وشها استناها لما خلصت وراح عليها اخذها في حضنه وقعد يطبطب على ضهرها
سامحيني يا نورا على العڈاب اللي انت مستحملاه معايا انا خلاص قررت اقول لماما على السر اللي ما بينا إنتي مش من حقك ان انت تشيلي شيلة مش شيلتك .
حطت نورا ايدها على بقه ومنعته انه يكمل وقالت له
لا يا كريم مش بعد ما اصبرنا سنتين من بعد ما عرفنا الخبر نقول خلاص اللي حصل حصل
انا وانت واحد وزي ما انت ما كنت هتستحمل الچرح انا بستحمله علشان زي ما بقول لك احنا واحد
وخلاص فات الكتير ما بقى الا القليل .
شدد كريم على حضنها وباسها من دماغها وقال لها
ربنا ما يحرمني منك ولا من حنيه قلبك ولا من عطفك عليا يا نورا .
جاوته نورا بزعل
انت بتسمي اللي ما بينا يا كريم عطف !
اللي ما بينا رحمه وموده وسكن وسکينه وحب
فلو سمحت لو قلت كلمه عطف دي تاني هزعل منك كفايه حنيتك عليا وقلبك الطيب وحبك الكبير لي
وبعدين تعالى نقلب الآيه لو انا اللي كنت مكانك حقيقه كنت هتسيبني وتفرط فيا وما كنتش هتستحمل علشاني
في النهايه احنا الاثنين ما لناش غير بعض وربنا يتم شفاك على خير ويرزقنا بالذريه الصالحه احنا لسه صغيرين ليه نستعجل .
اتنهد كريم بۏجع وقال
احنا مستعدين نصبر لحد اما ربنا يكرمنا وقت ما يريد لكن اللي حوالينا ما بيرحموش
وفجاه خطړ على باله فكره عرضها عليها ايه
ايه رايك يا نورا اخذك ونسافر الغردقه اسبوعين نفك عن نفسنا شويه ونبعد عن الهموم اللي محوطانا
عجبتها الفكره جدا وقامت وقفت تتنطط في الاوضه وقالت له وهي مش مصدقه نفسها
بجد يا كريم والله كان نفسي اقول لك كده بس خفت ترفض .
قام كريم وقف قدامها وبص في عينيها وقال لها
اللي نفسك فيه كله يا نواره قلبي تقوليه في اي وقت وفي اي مكان وما تخليش حاجه في نفسك الا لما تقوليها لي
وانا فورا عليا السما والطاعه هو انا ليا غيرك حنين على قلبي و مهون عليا الايام يا نور ايامي
ربنا يخليكي ليا وما يحرمنيش منك يا نن العين .
ومفيش يومين رتب كريم اموره علشان يسافر هو ومراته وفي الليله اللي كانوا هيسافروا فيها نزل كريم لمامته علشان يقول لها ان هم مسافرين اسبوعين علشان هو مخڼوق شويه
كريم لوالدته باحترام
إزيك يا امي اخبار صحتك ايه طمنيني عليكي انتي ونجوى
ردت عليه امه بحب
احنا بخير يا حبيبي الحمد لله ربنا ما يحرمني من دخلتك عليا ولا من قلبك الطيب يا نور عينيا .
كريم باستئذان
بعد اذنك يا امي انا هاخد نورا ونسافر الغردقه اسبوعين حاسس ان انا مخڼوق شويه فقلت اخدها ونتهوى شويه ماشي يا امي
بصت له والدته وهي بتلوي شفايفها وجاوبته
وهي البرنسيسه نورا ايه اللي خانقها ولا عيل يصدع لها دماغها ويسهرها الليالي ولا يبهدل لها الدنيا و يهد لها حيلها .
كريم بعتاب لوالدته
ليه يا امي كده دايما جاي على نورا وشايلاها فوق راسك وزاعقة
دي نورا مراتي اطيب قلب في الدنيا كلها نفسي تعتبريها زي نجوى وما تفرقيش بينهم في المعامله
نفسي تحطي نجوى مكان نورا هل تقبلي ان حماتها تعاملها المعامله السيئه دي
دايما يا ماما قبل ما تفكري ټأذي اللي حواليكي بالكلام او حتى النظرات اللي ټقتل فكري في المقوله اللي بتقول افعل يا ابن ادم كما شئت فكما تدين تدان
وبعدين نجوى خلاص فاضل لها ثلاث شهور وتتجوز وتروح بيتها ومش هيبقى في البيت معاكي غير نورا فاأرجوكي يا امي اتعاملي معاها كويس
انا ما ينفعش اقف ما بينكم انتم الاثنين انت امي وهي مراتي
يرضيكي ان الفكر ياخذني عليكم والقهر والزعل بسبب اللي ما بينكم يجرا لي حاجه وانا ماشي في الطريق وساعتها يا امي هتندمي الندم اللي على حق .
جريت امه عليه وحضنته جامد وقالت له
بعد الشړ عليك يا حبيبي ان شاء الله العدوين
وأديك قلت يا ابني نجوى خلاص هتتجوز وهتمشي وتسيبني والبيت هيفضي عليا نفسي يتملي عيال من صلبك
رد عليها كريم
وقت ما ربنا يريد يا ماما هيبعت لنا رزقنا واحسن مما كنا متصورين بلاش نستعجل المكتوب .
وقام كريم واستاذن من مامته عشان يطلع يجهزوا شنطتهم ويتوكلوا على الله
وثاني يوم ركب كريم الاتوبيس اللي بيوصل للغردقه هو ونوارته وكل ده وهو ماسك ايديها وحاضنهم مش عايز يسيبهم ابدا واخد وعد على نفسه انه يعيشها اسبوعين فسح وخروجات ودلع ينسوها الهم والمرار اللي هي عايشه فيه
علشان ترجع روحها المرحة إللي هو اشتاق لها
ووصلوا الغردقة في الفندق إللي كانوا حاجزين فيه طلعوا الأوضة بتاعتهم غيروا هدومهم وقرروا أنهم يستريحوا شوية
وبعدين ينزل ياخدها يفسحها
عند ام كريم قاعده هي وجارتها مع بعضيهم
بقول لك ايه يا ام كريم في حاجه يا اختي كنت عايزه
اقول لك عليها من زمان وخاېفه تزعلي مني .
بصيت لها ام كريم وقالت لها
قولي يا حبيبتي انا هزعل منك ليه ده انت غاليه على قلبي .
ردت عليها صاحبتها وهي فاكره كده انها بتوعيها
بقول لك ايه مرات ابنك شكل حد عامل لها عمل ومش اي عمل اللي يخليها تقعد السنين دي كلها
ولا هي فيها حاجه ولا جوزها فيه حاجه من غير خلف يبقى اكيد اللي عامله لهم العمل مربطه عليهم قوي
انا اعرف شيخ يجيب لك قرار الحكايه دي من الاول للاخر بس هو غالي حبتين .
انتبهت
ام كريم لكلام صاحبتها وحطت ايدها على بقها كانها بتفكر وقالت لها
معقوله يكون معمول لها عمل انا ما جاش في بالي الحوار ده خالص ولا فكرت فيه قبل كده
طب يا اختي الشيخ ده فين كده واحنا نروح له انا وانتي ونشوف ليكون فعلا زي ما بتقولي .
ردت عليها جارتها
تمام يا اختي افوت عليك بكره العصريه ونروح له باذن الله لعل وعسى يوضع سره في اضعف خلقه .
واتفقوا
هم الاثنين يروحوا للدجال علشان يشوفوا نورا معمول

لها عمل ولا لا واللي اكيد هيقول لهم ان هي معمول لها عمل.
عند كريم ونورا بيتمشوا على البحر وايديهم في ايدين بعض كريم بيقول لها
ياه يا نورا عايشين مع بعض بقى لنا اربع سنين ولسه حبك في قلبي زي ما هو ما قلش ولا سنتي
بل بالعكس زاد الاضعاف يا ترى حبي في قلبك ماليه ومحاوطه زي ما هو
دورت نورا وشها لكريم وقالت له
ده سؤال تساله لي انت اغلى واحلى حاجه في حياتي
انت النفس وانت العشق وانت الروح
وكملت وهي بتبص جوه عينيه
عارف يا كريم عمري ما اتضايقت ان احنا لسه ربنا ما رزقناش بخلفه ولا اتضايقت ان انا لسه ما بقتش أم
علشان عارفه ان كل شيء عند ربنا بمقدار واكيد تاخيره عننا الخلفه له حكم احنا ما نعرفهاش
وعسى ان تكرهوا شيئا وهو خير لكم
كل اللي بيضايقني نظرات اللي حوالينا وهمستهم وكلامهم اللي زي الخڼجر بالرغم اني عمري ما بصيت في حياه حد ولا شغلت بالي بحد
ولا غيرت من اللي عند حد ولا فكرت إني أأذي حد بلساني ولا بكلامي ولا حتى بالنظره
بس انا اللي مصبرني وجودك جنبي وان ربنا مسخر لي ملايكه بيردوا عليا
وقربي من ربنا اللي مديني القوه اني استحمل وان ما نزلش لمستواهم من الدنائة
ابتسم لها كريم وقال لها بحب
ربنا اكرمني بيكي يا نورا انا حاسس ان انتي حد كبير قوي عليا
ربنا اداني النور اللي منور لي طريقي وسط العتمه
ربنا ما يحرمني منك ولا من وجودك جنبي ولا من حنيتك عليا يا حبيبتي .
وفضلوا مكملين مشيهم على البحر ايديهم في ايدين بعض في مكان ما حدش يعرفهم فيه ولا هم يعرفوا في حد
مكان ما حدش هيقعد يلوم عليهم فيه ولا يكسر نفسهم ولا يفكرهم باللي هم ما بينسوهوش اصلا
ساعات بيكون حوالينا ناس احتواءهم لينا بينسينا الهم ومتاعب الحياه
وسعات بيكون حوالينا ناس بيعدوا علينا النفس اللي احنا بنتنفسه وشاغلين بالهم بينا اكثر ما احنا شاغلينه بنفسنا
بجد الناس دول مؤذيين قوي وساعات الناس دول بيكونوا هم نفسهم اللي مننا اللي ما نقدرش نبعد عنهم ومضطرين نتحملهم حتى لو ضغطنا على نفسنا
بس يا ترى ضغطنا على نفسنا ده هيوصلنا لفين في متاهه الحياه اللي مش بتخلص
ثاني يوم في الفندق كريم ساب نور نايمه علشان هيعمل لها مفاجاه النهارده عيد ميلادها
هو بيحاول يفرحها شويه وترجع من الاجازه دي نفسها مفتوحه وناسيه الألسنه السليطه اللي بټجرح قلبها كل يوم
وخلاص جه بالليل طلب كريم من نورا انها تلبس دريس حلو علشان خاطر عامل لها مفاجاه وقعدت تتحايل عليه علشان يقول لها لكن هو رفض رفض تام
نزلوا هما الاثنين ايديهم في ايدين بعض كانهم عرسان جداد الحب لسه مالي قلوبهم وما شبعوش من بعض
واول ما نزلت نورا لقت المكان متزين بالبالونات المنفوخه بالهيليوم ومعمول بيها ستائر وفي وسط الستائر محطوط بوكس كبير في هديتها اللي هو جابها لها
وبصت له كده علشان تتاكد ان دي فعلا حفله صغيره لعيد ميلادها اللي ما احتفلتش بيه بقى لها سنتين
وده طبعا كان بيجي من رفضها بسبب اللي حواليها اللي بيقعد يقولوا ليها نفس تعمل عيد ميلاد وهي ما بتخلفش
شدها كريم ووقفها قصاد التورتايه الكبيره وۏلع الشمع والناس اتجمعت حواليهم وغني لها اغنيه عيد الميلاد وفرحوها
وكريم قال لها
وطي واطفي الشمع يا نور وباذن الله السنه الجايه ربنا يكون كرمنا وجبنا أينور بنتنا
سمعت كلامه بفرحة وكأنها طفلة و طفت الشمع وهي مبسوطه وفرحانه جدا من جواها وراح كريم جايب لها البوكس اللي حاطط فيه هدية عيد ميلادها
واللي كانت عباره عن ملابس إحرام ليهم هم الاثنين والبيبي الصغنون ومصحف وسبحه وشوكولاتات كثير وعلبه قطيفه فيها انسيال رقيق محفور باسمها
اتجمعت دموع الفرحه في عيون نورا من الهديه الجميله اللي فهمت محتواها وبصت له بأمل علشان تفهم منه
قرب كريم منها وراح جنب ودنها وهمس
كل سنه وانتي طيبه يا أحلى عمر راح وأحلى عمر جاي
واجمل سنين عمر قضيتها معاكيفي سعادة ودايما قريبه من قلبي يا نور العين
الدكتور طمني ان خلاص الحمد لله اجتازت فتره العلاج واني خلاص بقيت سليم ميه في الميه من قبل ما نسافر قلت اخدك ونسافر وكاننا بنقضي شهر عسل جديد
ولقيت ان عيد ميلادك قرب فجبت لك الهديه دي علشان باذن الله اول ما ربنا يكرمنا وتحملي وتيجي بنتنا أو ابننا للدنيا هاخدك ونسافر لأطهر مكان في العالم كله
انا وانتي والمولود اللي انا واثق ان ربنا هيرزقنا بيه بعد سنين العجاف اللي احنا عشناه
برقت نورا بعينيها من اثر الصدمه وقالت له وهي حاطه ايديها على كتافه وبتلف بيه
بجد بجد يا كريم ربنا مالنا عليك بالشفاء وخلاص قهر وتعب السنين هينتهي
بجد انا مش مصدقه نفسي .
حضنها كريم حضڼ كبير واشتغلت اغنيه ضميني وانسي الدنيا ضميني وانسي الناس ورقصوا الاثنين رقصه سلو على الاغنيه المفضله ليهم واللي كان كريم متفق عليها مع الدي جي
وكملوا بقية الاسبوعين في فرحة وهناء وسعاده من غير ضغوطات ورجعوا الاثنين على عشهم السعيد
ورجع كريم لشغله واثناء ما نورا قاعده مع حماتها قالت لها
بقول لك ايه يا نورا انا رجلي تعبانه وعايزاكي تيجي معايا عند الدكتور علشان نجوى إنتي عارفه خلاص فرحها قرب ومش فاضيه قلت ايه يا حبيبتي .
ردت عليها نورا وقالت لها
من عيني يا امي انتي تؤمريني عايزه تروحي امتى يا ست الكل
ردت عليها حماتها
النهارده باذن الله بعد المغرب انا واخده ميعاد مع الدكتور .
اتصلت نورا بجوزها واستاذنته انها هتروح مع والدته عند الدكتور واداها الاذن وقال لها
اسالي لي ماما كده على مكان الدكتور علشان
خاطر لو في عندي وقت اجي اخذكم بدل ما تتبهدلوا في المواصلات .
سألت نور حماتها اللي اتلجلجت وقالت لها
ما فيش داعي يعطل نفسه احنا هناخد عربيه مخصوص
سمع كريم اللي والدته قالته ورد عليهم
تمام الف سلامه عليكي يا ست الكل .
وبعد المغرب ركبوا العربيه وروحوا المكان اللي حماتها واخداها فيه وكل ده نورا ماشيه معاها وهي واثقه فيها
المهم وصلوا المكان ودخلت نورا ما استغربتش طبعا لقيت في ناس كثير قاعدين بره وواحده قاعده على كرسي ست كبيره كأنهم في عياده بالظبط
دخلوا في دورهم وأول ما دخلت نورا وشافت اللي شافته قلبها انقبض وطب في رجليها وبصت لحماتها بړعب
انت جايباني فين جايباني عند دجال!
عمري ما كنت اتصور ان انت تعملي فيا كده
! للدرجه دي الجهل سيطر عليكي انك تجيبيني عند واحد زي ده
ما خفتيش عليا من اني يعمل لي حاجه او يأذيني او يأذي ابنك
انتئ ازاي كده وازاي بتفكري كده وازاي دماغك كده
وفورا طلعت تليفونها واتصلت بجوزها وحماتها عماله تشد منها التليفون واټرعبت من اللي ابنها هيعرفه لكن ما قدرتش على نورا وقالت لجوزها كل حاجه في التليفون بسرعه البرق وعرفته المكان
راح الدجال قايم عليهم هم الاثنين وطردهم
بره غوري يا وليه انت وهي من هنا انا مش ناقص
بلاوي ومشاكل حلو مشاكلكم بعيد عني بره
قالها بصوت عالي
خرجت نورا
ما رضيتش تتحرك من مكانها ولا تركب العربيه مع حماتها واستنت جوزها لما يجي
وما فيش ربع ساعه وجوزها كان طيران بالمكنه بتاعته وقف قدامهم واخذ مراته في حضنه وطبطب عليها
وأمر امه ان هي تركب العربيه تحصلهم على البيت وما فيش نص ساعه كان وصلوا البيت وامهم كانت وصلت هي كمان
دخلوا كلهم عند والدته اللي وشها بقى عامل زي الطماطمايه من كتر الړعب والخۏف وقلبها بيدق
وقبل كريم ما يتكلم راحت قايله له
حقك عليا يا ابني وانا غلطانه انا قلت اخدها للشيخ ده ليكون معمول لها عمل ولا حاجه .
بص لوالدته بعيون حاده أحد من عيون الصقر وقال لها پحده وزعيق
انا مش مصدق ان أمي اللي حجت بيت الله تروح لدجالين !
مش مصدق إن عقلك صور لك ان امرنا هيحله بني ادم زي ده !
بتاخدي مراتي لدجال يا ماما !
انا قلت لك ايه ومنبه عليكي انك تبعدي عن مشكلتنا دي خالص واحنا مش مستعجلين
بجد يا امي مش هقدر اسامحك على الحركه دي وخلاص فاض الكيل بيا ما كنتش عايزه اشيلك همي لكن ان الاوان تشيليه معايا
جريت نور عليه وحطت ايدها على بقه قبل ما يتكلم وقالت له
بلاش بلاش علشان خاطري ياكريم النوبه دي .
ما سمعش كلامها ونزل ايديها وبسرعه نطق
العيب مني انا يا امي العيب من ابنك انا اللي ما بخلفش انا اللي كنت مريض
وشاور على مراته
واللي انت ذليتيها سنين من العمر وقهرتيها إنتي واللي حواليكي كانت صابره ومستحمله وراضيه ووقفت جنبي وما سابتنيش لحد اما ربنا اكرمني وخفيت من شهر واحد بس يا امي
وانا ما كنتش عايزه اقول لك علشان نفسيتك ما تتعبش لكن إنتي كل مره بتزوديها عن المره اللي قبلها لحد ما خلاص ولا هي بقت قادره تستحمل ولا انا رجولتي تسمح لي ان اسيبك تهنيها اكثر من كده وتبهدليها معاكي بالخرافات اللي انت ماشيه وراها
انتي ما تعرفيش يا امي ان اللي يروح لدجال ربنا ما بيقبلش منه الصلاه أربعين يوم ما تعرفيش الحديث ان الرسول صلى الله عليه وسلم بيقولوا من اتى دجالا او عرافا فقد كفر بما انزل على محمد
جالك قلب وهانت عليك الحجه اللي انت رحتي عملتيها في بيت الله تمحيها بذنب كبير زي ده
وطبعا والدة كريم زي اي ست طيبه ما تعرفش حاجه عن حديث الدجال والحوارات بتاعه الناس دي وقلبها طب في رجليها من خوف الذنب الكبير واللي ۏجعها اكثر من مرض ابنها اللي ما كانش يجي في خيالها ان العيب يطلع من ابنها
وإن مراته استحملتها واستحملت كلامها اللي زي السم السنين دي كلها وراحت عليها وحضنتها وقالت لها
حقك عليا يا نور حقك عليا يا حبيبتي سامحيني يا اصيله يا بنت الناس الاصيله يا منبع الخير .
وطبعا نورا طيبه وطيابتها تكفي العالم كله شدت على حضنها وقالت لها
مسامحاكي يا امي ما انتي أمي الثانيه اللي مهما عملت ما اقدرش ازعل منك
وعدى شهر على الاحداث دي واثناء ما نورا واقفه مع حماتها في المطبخ بيجهزوا الغداء نور حست انها دايخه ومش قادره تصلب طولها بصت لحماتها وقالت لها
انا دايخه جدا وعنيا مزغلله مش عارفه مالي في ايه والاحساس ده بقى له يومين عندي ومش عايزه اقول لكريم علشان ما اشغلهوش بيا .
حماتها بفرحه سألتها
ما انتيش حاسه ان نفسك غامة عليكي ومش طايقه ريحه الاكل
ردت عليها نورا وقالت لها
ساعات يا ماما مش كل الاكل .
حماتها باستعجال
طب قومي البسي جري هكلم جوزك دلوقتي وهناخدك عند الدكتور على طول
ومفيش ساعه كانوا في عياده دكتور النسا
دخلت نور عند الدكتور هي وحماتها وجوزها قالت للاعراض اللي حاسه بيها للدكتور وكشف عليها وكانت المفاجاه نورا حامل في ثلاثه وده طبعا من اثر المنشطات اللي الدكتور كان كاتبها لنورا
الثلاثه انصدموا من الجبر اللي ربنا جبره لهم وسجد كريم لربنا فى اعظم سجده يسجدها الانسان لربه بدموع وخشية
وروحت نورا وحماتها وجوزها بقلب طاير من الفرح من العوض اللي ربنا عوضه لهم وعدت شهور الحمل على نورا وهي قاعده تحت مع حماتها
اللي صممت تقعد معاها علشان تخدمها
و قوام عدت شهور الحمل بصعوبتها وتعبها على نور و النهارده ميعاد ولاده نورا والثلاثه التوائم بعمليه قيصريه ولدت نورا ووصلوا نور عينيها على قيد الحياه
بعد مشوار طويل من التعب والمعاناه
قد ايه ربنا كريم بيعوض الصابر اكثر مما يستحق واكثر مما هو بيتمنى
ساعات ربنا بيحط لنا اختبارات ومحڼ علشان يشوف قوه احتمال عبده قد ايه هيستحمل ولا مش هيستحمل
بس لازم كلنا نكون مقتنعين ان رب الخير لا ياتي الا بالخير وان ربنا بيخلق لنا من وسط المحڼ منح ما نصدقهاش اصلا فعلا الله كريم
وعده خمس شهور على ولاده التوائم الثلاثه اللي كانوا ثلاث حوريات اجمل من بعض سماهم كريم ريتاج وريناد واينور
وزي ما كان كريم نادر ان هو ياخد مراته وبنته العمره
كان عامل لهم مفاجاه وحاجز التذاكر لعمره رمضان وهو ووالدته واخته وبناته التلاته
والنهارده ميعاد سفرهم لاطهر مكان على وجه الارض اللي راحوا فيه يشكروا ربنا على نعمه وعطياه التي لا تعد ولا تحصى ويغسلوا ذنوبهم من الخطايا .
خلص الاسكريبت قولوا لي رايكم .
فاطيما يوسف